Sesión fotográfica de embarazo- Haudunaldiko argazki saioa

Bizi* : Bizia duena, bizirik dagoena;Bizitasuna duena; bizitza, bizialdia.

Bizitza sortu duzue eta hori ezin da ezerekin konparatu. Ezagutzen ez duzuen eta jada maitatzen duzuen persona bati bizitza eman diozue. Badakit haurtxo bakoitza miraririk handiena dela bere gurasoentzat. Ezagutzen ditut ere lehen hilabeteen ondoeza, nekea eta haurdunaldiaren aldaketak, bai fisiko bai psikologikoak. Ez da erraza, baina une txar horiek ere ahaztuko dituzue. Hala ere argazkietan islatuta geratuko dira zure txikiarekin bizitako uneak, zure bikotearen begiradak eta magikoki bizitza sortzeko eraldatu dena zure gorputz boteretsuaren irudiak.


" Barriak, besarkadak, jolasak, muxuak, begiradak, ahizpen arteko konplizitatia... Nagorek hori dana batzea lortu dau bere argazkittan. Poserik gabe, bihartutako egoerarik gabe, saioi erosua eta atsegina izan zan. Disfrutautako tartia" L.B


Horrela ikusten dut nik amatasuna, eta hori islatzen saiatzen naiz haurdunaldiko saioetan.

Ama izan besar diren askok, ez dute gustoko bere gorputz berria, prozesu honen argazkirik ez dute nahi, edota oroitzapen txiki bat besterik ez dute nahi. Beste askok etapa berri honetaz gozatzen dute, ikusten dutena gustatzen zaie eta oroitzapen hori bizitza osorako irudietan eduki nahi dute. Eta denak balio du. Zergatik ez? Nire partetik, esan: haurdunaldi-saioa esperientzia polita izan daitekeela, emozioen zurrunbiloaren aurrean gelditu ahal izateko, eta sentitzeko, une hori eta betiko iraungo duten oroitzapen horiek oparitzeko. Zure gorputzarekiko ikuspuntu negatibo hori aldatzeko aukera ere izan daiteke.


Egiten ditudan saio guztietan, nire lehentasuna, kalitatezko produktu bat eskaintzeaz gain, zeu zara. Badakit ez dela erraza kamera aurrean jartzea eta "posatzea". Zu ondo sentiarazten saiatzen naiz, hitz egiten dugu, esperientziak trukatzen ditugu... Eta horrela, lasaitzen zarete. Hori da nire helburua horrelako saioetan.


Lekuari dagokionez, argazkiak estudioan egin daitezke edo kanpoan, baita barruan eta kanpoan nahiago baduzu. Saioak 45 minutukoak edo ordu eta erdikoak izan daitezke. Normalean, azken hori aukeratzen da saioa estudioan eta kanpoan egiteko. Oroigarri txiki bat nahi baduzu, estudioan edo kanpoan, saio laburra kontratatzeko aukera duzu.


"Bere argazkien bidez Haurdunaldi saioetan sortzen eta sentitzen diren momentu bereziak islatzen ditu" N.L
"Gertutasuna, sentsibilitatea, goxotasuna eta naturarekiko errespetua. Esperientzia oso polita eta emaitza, emozioz betetako argazkiak!" N.A.



Eta noiz da saioa egiteko unerik onena? Nik 28. astetik aurrera egitea gomendatzen dut, baina nahi duzunean egin dezakezu. Nire aholkua, amaierara arte ez uztea, erditzea aurreratzeko eta argazkirik gabe geratzeko 'arriskua' baitu; adibidez, 32-34 astearen inguruan egitea, azken txanpan zaudela, baina oraindik ondo sentitzen zarela da nire ustez onena. Baina dena bezala, hau pertsona bakoitzaren, haurdunaldi bakoitzaren araberakoa da.


Saio guztietan bezala, jantziei buruzko aholkularitza-txostentxo bat jasoko duzu erabili nahi baduzu, eta nahi duzun arropa guztia ekarri ahal izango duzu, irudi desberdinak lortzeko asmoz.